"Quand on veut un mouton, c´est la preuve qu´on existe" - le petit prince

mánudagur, janúar 24, 2005

mannfræðikenn. e. 3 mín!

Ég var að eyða pening, en það er allt í lagi því ég notaði mastercard og þarf ekki að borga fyrr en mánaðarmótin feb/mars. Það var samt alveg þess virði. Ég keypti mér geisladiska á útsölu með úrvalsfólki eins og Beach boys, Nick drake, Elliot Smith og svo Tim Buckley (er aðeins búin að hlusta á hann og hlakka til að heyra meira). Svo á ég gjafabréf í kringlunni þannig að ég ætti að geta keypt mér 3-4 í viðbót, brummbrummphuhtsju - JEI!

Helgin er nýbúin og mér líður eins og ég sé enn drukkin. Ef ég færi núna á Stúdentakjallarann og fengi mér einn bjór myndi ég líklega rúlla út... Djammið á laugardaginn var mjög skemmtilegt, verð ég að segja. Ég er búin að komast að því að ég er hardcore djammari, svona í þessi fáu skipti sem ég djamma. Kannski er það bara málið, ég djamma ekki það oft og þegar ég loksins geri það þá get ég ekki hætt! Ég var samt næstum því farin snemma heim. Ég var á traffic og ákvað að fara heim, fór að kveðja liðið en Svala og Danni sannfærðu mig um að vera lengur. Eða, það sem sannfærði mig var eiginlega var stóra vískíglasið sem Svala gaf mér. Sem betur fer, því ég skemmti mér konunglega í kjölfarið á því. Takk, Svala!

jamm, ætlaði að segja e-ð meira en man ekki... well, bless í bili!

Hey já! Endilega kikjið á suðsuðvestur á hafnagötunni um næstu helgi. Ég man ekki opnunartímann en það er á einhverjum mjög kristnilegum tíma. Getið líka kíkt á heimasíðuna www.sudsudvestur.is þar eru líklega flestar upplýsingar
Til hamingju enn og aftur Thelma!

|

þriðjudagur, janúar 18, 2005

almanak... nei! salmíak...nei! æi bla...

Ég sit hérna upp í bókhlöðu, þetta fer að verða annað heimilið mitt bráðum. Háskólalífið á bara ágætlega við mig. Ég ráfa um svæðið og fylgist með fólkinu. Fer á stúdentakjallarann, fæ mér kaffi og sígó því ég er of góðu vön úr vinnunni, nenni eiginlega ekki að standa úti í kuldanum og reykja. Kannski ég hætti bara... læt það ráðast. Það er undarlegt að vera allt í einu kominn á stað þar sem þú þekkir næstum engan, allir sem þú mætir eru ókunnugir, en að vera samt ekki í útlöndum. Þegar maður er í útlöndum þá gerir maður einhvern vegin ráð fyrir að maður muni ekki þekkja neinn. Ég vissi ekki að það væri til svona mikið af ókunnugu fólki á Íslandi. Það færir mér mikla von, verð ég að segja. Nýtt fólk er alltaf skemmtilegt fólk... eða svona oftast...stundum...

Að öðru, þá vann ég mikið afrek í fyrradag. Ég byggði snjóhús! Ég segi „ég" því að þótt ég hafi ekki verið ein þá mokaði ég LANGmest! Kannski ekki skrítið þegar litið er á það að ég var að byggja það með Guðmundi Jökli litla bróður sem er 11 ára og Kristófer frænda sem er 5 ára. En snjóhúsið var alveg geðveikt! 3 Samtvinnuð göng og hola í miðjunni upp úr því. Ég óskaði þess samt á tímabili að ég væri ennþá 5 ára, snjóhús voru einhvern veginn miklu stærri þegar maður var 5 ára. Ég man þá tíð þegar ég gat setið í snjóhúsum. Í fyrradag náði ég í mesta lagi að skríða eftir göngunum. það var samt kósý. Ég ætti kannski að athuga hvort það standi ennþá þegar ég kem heim.

Jæja, ég verð að fara að læra. En fyrst ætla ég að borða nestið mitt! brummbrummphfutsju - JEI!

|

miðvikudagur, janúar 12, 2005

Kveðja frá Grímsey

Wow maður! Ég er að missa vitið!!! Ég er búin að vera með fjörfisk í hægra auganu í margar vikur. Á hverjum degi, oft á dag, byrjar fjörið. Þetta er búið að vera svona síðan snemma í desember. Hversu fáranlega kvilla getur fólk verið með? Pabbi fékk þetta fyrir einhverju síðan og hann var svona í nokkra mánuði. Þýðir það að þetta sé ættgengur kvilli?!?!

Annars þá er ég að fara á nýnemafund í skólanum á morgun, ég er geðveikt spennt! Svo er fyrsta kennslustundin á föstudaginn í „Inngangi að líffræðilegri mannfræði og fornleifafræði“, líka geðveikt spennt. Svo byrjar skólinn bara á fullu eftir helgi, spennt, spennt, spennt,brummbrummprhutsju jei! Ég vona að fjörfiskurinn verði farinn þá...

Við fjölskyldan erum svo búin að vera að spá hvað við eigum að gera fyrir blaðburðarpeningin okkar. Við erum búin að vera að bera út fréttablaðið saman í nokkra mánuði og safna öllum peningnum í ferðasjóð. Planið er að gera e-ð skemmtilegt næsta sumar. Eins og pabba mínum er einum lagið fór hann og grúskaði aðeins í þessu. Valið í dag er á milli þess að:
A: fara til sólarlanda í 2-3 vikur(hljómar ótrúlega spennandi núna í skammdeiginu),
B: fara til Bandaríkjanna að heimsækja fjölskyldumeðlimi,
C: taka bílinn og fara með norrænu og keyra um Evrópu
D: eða fara til Bretlands og leigja bát í viku og sigla um allt í rólegheitum og dvelja svo aðra viku í litlu koti rétt hjá ströndum Wales...

mig langar að gera þetta ALLT! Spurning um að athuga hvort maður geti ekki borið út í auka hverfi um helgina...hmmm... Spurning um að bíða til morguns því þá gæti planið verið eitthvað allt annað og meira spennandi.

djöfulsins fjörfiskur! hverjum datt í hug að kalla þetta fjörfisk, hvar er fjörið eiginlega? Þegar ég fer að spá í því, hvar er fiskurinn eiginlega? Ég ætla að endurskíra þetta „óþolandi langavarandi ættgengur brjálæðiskrampi í hægra augnloki“. Skýrir allt miklu betur.

|

mánudagur, janúar 03, 2005

glapos! Hah!

Halló halló halló! Loksins skrifa ég, þó ég hafi s.s. ekkert merkilegt að segja... Jólin og áramótin eru liðin með öllu tilheyrandi. Það er alltaf e-ð svo kósý við þennan tíma, yndislegar fjölskyldustundir, kræsingar og þessháttar dýrðir. Ekki má heldur gleyma djamminu, það er líka alltaf skemmtilegt. Ég djammaði reyndar ekkert svo mikið miðað við suma ónefnda aðila sem ég þekki. Fór á þrusu skemmtilega tónleika 29.des, með Ælu, Kimono o.fl. þar sem Rocco tróð óvænt upp, við mikinn fögnuð viðstaddra. Allt mjög skemmtilegt og ég mjög hífuð. Þannig á lífið að vera. Gamlárskvöld var líka skemmtilegt. Fyrripart kvölds eyddi ég í faðmi fjölskyldunnar og borðaði fullan disk af stuffingu og sósu - tvisvar! (og reyndar oft næstu daga á eftir). Fór svo í yndislegt stelpupartý hjá Kristínu þar sem hamingjan vall út um og innum alla króka. Við stelpurnar komust ekki yfir það hvað við værum allar frábærar, skemmtilegar og fallegar manneskjur svo ekki væri talað um hvað við værum góðar vinkonur. Það syrti samt aðeins á gleðina þegar ég komst að því að fósturforeldrar mínir á Pöddunni væru búnir að ákveða að hafa lokað yfir áramótin. Hvar í fjandanum er annars staðar hægt að djamma í kef? En það reddaðist samt vel því við enduðum 3 úr hópnum á kojufilleríi fram að morgni.

jamm, hvað annað?...Nú fer senn að líða að því að ég hætti í vinnunni því skólinn hjá mér byrjar 17. des. Ég er ekkert smá ánægð yfir því að vera komin í Háskólann og bara yfir því að ég skuli vera að fara að læra eitthvað! Ég fæ frí í vinnunni á morgun því ég þarf að fara að borga skráningarglaldið (ég held ég hafi aldrei hlakkað jafn mikið til að borga nokkurn skapaðan hlut!). Ætla svo að stússast í öllu í sambandi við skólann, vantar styrki, lán og þessháttar. Ég væri til í að einhver myndi gerast velunnari minn og taka þetta að sér eða það sem betra er gefa mér nokkrar millur... býður sig einhver fram? Nei líklega ekki... Þetta ætti samt allt að reddast með yfirburðum ef ég næ að selja merina mína. Ég veit að það eru komnar a.mk. 3 fyrirspurnir á e-mailinu mínu en ég kemst bara ekki á það hérna heima því það er eitthvað böggles með tölvuna. Merin mín heitir Hnota og er rosa sæt. 7v. jörp meri undan Náttfaradóttur og Emma frá Sperðli. Hágeng og faxprúð. Mjög lagleg. Ásett verð er 180 þús. Hefur einhver áhuga?

|