"Quand on veut un mouton, c´est la preuve qu´on existe" - le petit prince

fimmtudagur, mars 30, 2006

rosamargt stöff

ég mæli eindregið með því að allir þeir sem gaman hafa af lestri kíkji á bóksölu stúdenta því þar er verið að bjóða alls konar bækur á alveg ótrúlega góðu verði. Þarna er hægt að finna klassískar bókmenntir eftir t.d. mark twain, jules verne, sir walter scott, dostoevsky o.fl o.fl einnig er hægt að finna rit eftir ýmsa þekkta spekinga á borð við rousseau, nietzsce (whatþefokk? hvernig skrifar m. þetta? jæja, þið fattið), o.fl o.fl... það besta er að bækurar eru flestar á skitinn 275 - 551 kr! + 5% staðgreiðsluafsláttur. Náði að kaupa 3 bækur á skitinn 1.045 kr. Ekki mikið finnst mér. Fyrir þá sem lesa ekki ensku (og eru á móti heimsbókmenntum) eru þetta aftur á móti lítils vægar upplýsingar.

Ég fór allt í einu að velta því fyrir mér afhverju þetta eru kallaðar heimsbókmenntir. Hvað er það sem gerir bók að heimsbókmenntum? Þarf hún að vera gömul, fræg og skrifuð af evrópubúa? Afhverju ekki evrópskar bókmenntir? Maður finnur vestræna slagsíðu alls staðar.

En já að öðru, það áttu að vera tónleikar á Stúdentakjallaranum á laugardagskvöldið með TommyGun en það verður því miður ekkert úr þeim. Mér skilst samt að ég, Svala og Nick séum að fara að djamma heima hjá mér í Reykjavíkinni. Vinir okkar eru velkomnir að djamma með okkur. Þetta verður mjög líklega mitt síðasta djamm í einhvern tíma eða svona þangað til í maí/júní... shit

og að allt öðru, ég er komin með vinnu! Hún hefst í næstu viku. ég er spennt og ég er glöð. það verður gaman að fara að þéna aftur. þetta er faktískt sumarvinnan mín en ég var beðin um að byrja fyrr. starf mitt felst í því að kveðja alla kanana upp á velli og tilheyrandi stússi.

og já, svo vil ég ítreka það að ég er að fara að syngja á tónleikum á laugardaginn, kl. 5, í Neskirkju, með háskólakórnum. þið megið kaupa miða af mér. það væri gaman að sjá ykkur.

|

sunnudagur, mars 26, 2006

Thou art the King of Glory

Ég er með gæsahúð!!! ég er að hlusta á requiem eftir Fauré og þetta er alveg ótrúlega fallegt. Hef ekki gerst svo fræg að hlusta á það áður í heild sinni. Þetta er verkið sem Háskólakórinn er að æfa um þessar mundir og einmitt aðalnúmerið á stórtónleikunum okkar sem verða haldnir núna 1. apríl. Ég mæli eindregið með því að þeir sem hafa áhuga á tónlist komi og hlusti á okkur og leggji góðu málefni lið en tónleikarnir eru einnig fjáröflunarleið fyrir háskólakórinn.

ég held að allir ættu að geta haft gaman af þessu, jafnvel fólk sem hlustar ekki á klassíska tónlist að staðaldri. Það er svo mögnuð upplifun að hlusta á svona falleg verk flutt á tónleikum, tala ekki um þegar tónleikarnir eru í kirkju. Það ætti að fá jafnvel hörðustu rokkara til að mýkjast. Gæti jafnvel opnað fyrir nýja tónlistarsýn hjá ykkur.

Miðaverð er 2000 krónur - munið, þetta er fjáröflun fyrir kórinn og það er alveg rosalega mikil vinna að baki þessu.

Ásamt requiem, munum við flytja annað verk eftir Fauré sem heitir Cantique de Jean Racine eða Heill þér himneska orð á íslensku. Einnig verður flutt verkið Festival te Deum eftir Benjamin Britten en það er alveg í uppáhaldi núna hjá mér. Ég er einnmitt að hlusta á það núna. Það er frekar erfitt og sérstakt verk. Byrjar á hálfgerðum samsöng og lítilli röddun en þegar líður á lagið fer það út í hálfgert brjálæði. Þetta er kjörið verk fyrir fanatíska krisstniboðara sem vilja lofsyngja guð sinn. Þið getið hlustað á verkið hér.
Einnig verða flutt önnur minni verk á tónleikunum.
Okkur til hjálpar munu koma nokkrir frábærir hljóðfærarleikarar og einsöngvarar.
Ekki missa af þessu!

Mér þætti vænt um að sjá sem flesta velunnara og vini mína þarna, fjölskyldumeðlimir eru einnig hjartanlega velkomnir. Þið getið nálgast miða hjá mér.

|

miðvikudagur, mars 22, 2006

pöbbquiz á stúdentakjallaranum í kvöld!

Í dag var sögulegur dagur í búskap mínum. Ég borðaði pakkanúðlur í fyrsta skiptið! Örþrifaráð sem ég hef hingað til ekki þurft að grípa til. Ég ákvað það þegar ég flutti í haust að ég myndi ekki stunda þennan hefðbundna námsmanna-núðlubúskap, hef ég því hingað til haldið mig við hluti eins og hrísgrjón og kússkúss... og nammi. Og fleira í þeim dúr.
...
...
Dagurinn í dag var þó líka hefðbundinn að því leiti að ég náði á einhvern undraverðan hátt að fokka upp náminu mínu eins og mér einni er lagið en svo reddaðist það af sjálfu sér. Hefðbundinn? Spyrjið þið eflaust - já, skólaganga mín er eitt walking disaster sem einhvern veginn reddast alltaf á undraverðan hátt. Þetta gerist svo oft að vinkona mín sagði við mig í fyrra að ég ætti skilið að falla á prófi, bara til að finna fyrir því hvernig tilfinning það væri. Það er eiginlega rétt hjá henni, ég er samt fegin að það hafi ekki gerst hingað til.
...
En já, það sem gerðist var nokkurn veginn það að í gær, eftir kóræfingu, fór ég heim í þeim tilgangi að fá mér að borða áður en ég færi að skrifa ritgerð sem ég átti að skila í morgun. Eftir að hafa borðað fór ég í fótabað, sem leiddi til þess að ég fór í sturtu, sem leiddi til þess að ég lagðist aðeins upp í rúm. Í stuttu máli sagt þá vaknaði ég klukkan 4 í nótt og áttaði mig á því að það væri búið að loka bókasafninu og skólanum og að ég ætti að skila ritgerð og halda framsögu um hana eftir fjóra tíma... ég var ekki sátt. Ég reyndi að klóra í bakkann og vinna verkefnið en mig vantaði heimildir. Ég reyndi því bara að skipuleggja mig þannig að ég gæti a.m.k. kynnt verkefnið í tímanum. Planið var svo að grenja frest út úr kennaranum. Þegar ég kom svo í tímann þá fékk ég þær fréttir að það hafi verið ákveðið að við mættum skila verkefninu í næstu viku.
...
...
Ég er fegin, því að mér finnst efnið sem ég er að skrifa um mjög spennandi. Mig langar að skoða hvernig hugtakið þróun birtist í kennslubókum grunnskólabarna. Hvað við teljum að það þýði að vera þróað samfélag t.d. samkvæmt samfélagsfræðibókum. Mig langar einnig að velta því fyrir mér hvort að sú mynd sem við drögum upp geti í raun gefið neikvæða mynd af öðrum þjóðfélögum. Samanber með því að tala um vanþróuð lönd. Geta fátæk lönd þá ekki þróast? Er ekki full gróft að halda því fram að þær þjóðir sem ekki eiga jafn mikið af peningum og tækni og við séu vanþróaðar? Er það ekki svipað og að segja um einhvern sem er fátækur; Hey! djöfull er hann eftir á...
...
bara svona nett miðvikudagspæling...
...
...
En nú er það aðferðafræðin... læra læra læra, gaman, gaman - Jei!

|

þriðjudagur, mars 21, 2006

smá gaman svona

Það er alveg ótrúlegt hvað maður getur dundað sér við að finna þegar maður er í aðferðafræðitíma...

Tékkið á salsamove-inu - ú je!

|

mánudagur, mars 20, 2006

djö

jæja, þá er ég loksins búin að ákveða hvað ég ætla að fjalla um í verkefninu sem ég á að skila á miðvikudaginn. Það er ekki seinna vænna. Stundum vefjast hlutirnir alveg ótrúlega mikið fyrir mér. Ég verð alveg rosalega busy út þess viku (mætti alveg segja út þessa önn) þar sem ég þarf að vinna tvö rosa stór verkefni og skila á næstu dögum... og ég er lasin. Ekki skemmtileg samsetning þar á ferð. ég var komin á fremsta hlunn með að hætta í skólanum, alveg að klepra og skrifaði því alveg rosalega niðurdrepandi færslu um háskólanám mitt fyrr í dag. Hún vildi ekki pöblishast... þið fáið þessa í staðin. Best að spýta í lófana!

Er líka búin að reyna að pöblisha myndum frá kórpartýinu en það gekk ekki heldur... þetta verður bara að duga í bili.

|

sunnudagur, mars 19, 2006

húllumhæ

ég ætlaði að fara að blogga en áttaði mig á því að ég hef ekki neitt að segja... er alveg tóm... ble...

|

fimmtudagur, mars 16, 2006

myspace

ok, kann einhver á þetta myspace....

ég er að reyna að vera tölvunörd og vera með svona myspace síðu en ég kann ekki shit! Er samt búin að skrá mig inn. Langar bara að gera svona flott stuff eins og allir hinir eru með... myndir og bakgrunn og þess háttar... ég er að komast að því að ég sökka sem tölvunörd... nú vantar mig Andreu, hún er klárust í svona stöffi, hjálpaði mér a.m.k. með að vera bloggari... Kannski þess vegna sem hún flutti til ástralíu?

|

miðvikudagur, mars 15, 2006

skeMmtilEgT

Fékk etta sent í e-maili... æji, mér fannst þetta svoldið fyndið, gaman að svona stöffi.


>>>It is good to be a woman:

>>>1. We got off the Titanic first.
>>>2. We can scare male bosses with the mysterious gynecological disorder
>>>excuses.
>>>3 Taxis stop for us.
>>>4. We don't look like a frog in a blender when dancing.
>>>5. No fashion faux pas we make could ever rival the Speedo.
>>>6. We don't have to pass gas to amuse ourselves.
>>>7. If we forget to shave, no one has to know.
>>>8. We can congratulate our teammate without ever touching her rear end.
>>>9. We never have to reach down every so often to make sure our privates
>>>are still there.
>>>10. We have the ability to dress ourselves.
>>>11. We can talk to the opposite sex without having to picture them naked.
>>>12. If we marry someone 20 years younger , we are aware that we will look
>>>like an idiot.
>>>13. We will never regret piercing our ears.
>>>14. There are times when chocolate really can solve all your problems.
>>>15. We can make comments about how silly men are in their presence
>>>because they aren't listening anyway.

|

þriðjudagur, mars 14, 2006

...but we ate a lot of cheese...

Helgin var alveg frábær... ég held samt að þetta sé komið fínt í bili. Maður er vægast sagt afkastalítill í lærdómnum eftir tvöfalt helgardjamm. Á föstudeginum fórum við á alveg hreint frábæra tónleika með Tokyo Megaplex og plexuðum feitt allt kvöldið og fram á nótt. Ingi Þór og Rúnar sögðu að ég væri Megaplex Baby, ég tek þá á orðinu. Ég komst svo enn og aftur að því að bar 11 er eini staðurinn með viti í Reykjavík og að kaffibarinn er snobbleiðindapleis með leiðinlegri tónlist. Ég og Rósa María gerðum samkomulag um að venja komu okkar á ellefuna héðan af...
á laugardeginum var farið í Keflavíkina í afmælispartý til Svölu. Það verður nú að segjast að þetta hafi verið vel heppnað teiti: bolla, gaman, skemmtilegt fólk, taumlaus gleði og massa nostalgíuhljómar úr græjunum! Slagarar eins og Nono, no no nono, no no nono, no no there´s no limit!...I like to move it, move it... Don´t want no short dick man.... æi, þið áttið ykkur á stemmningunni. Við stálumst reyndar svo til að spila nokkur "indie cool" lög í smá stund. Það er gott að hafa svona hluti í bland...
Eftir að hafa dansað í partýinu, fór ég niður í bæ. ákvað að labba ein því mig vantaði smá næði til að vera full með sjálfri mér. Komst að því að það eina sem er skemmtilegt við að djamma í Keflóvík eru partýin. Á leiðinni niður eftir var annað hvort glápt, hlegið eða kallað á eftir mér. Var spurð út um bílrúðu hvort ég væri til sölu og svo kom 17 árapiltur og spurði hvort ég hefði áhuga á að sjúga á honum spenann. Ég afþakkaði pent. Ég gerði heiðarlega tilraun til að labba á milli staða, vildi sko tékka á stemmningunni. Beilaði samt á Yello því að það kostaði inn og það var mjög þurrkuntuleg röð fyrir framan mig, sem kunnu ekki að meta litla stelpu í bleikum kjól með rauða slaufu í hárinu, held ég. Ég reyndi að vera kammó og tala við fólkið, en það gekk ekkert vel. Endaði á H-punktinum og dansaði og dansaði, þangað til að ég neyddist til að fara úr skónum... þá dansaði ég upp á borðum og á stól og svo á gólfinu á sokkunum... það var gaman. Fór heim alveg ótrúlega sátt með lífið... Magni og Bogga reyndu samt að eitra fyrir mér. Þau fór á árshátið og skyldu eftir ónýtan mat í ísskápnum, sem ég át alveg með bestu list, á milli þess sem ég sagði upphátt: "Magni og Bogga eru best, það er alltaf til e-ð gott að borða hjá þeim... ég dýrka magna og boggu fyrir að eiga alltaf e-ð aðborða...." Komst að því daginn eftir að bæði kínverski maturinn og pulsupastað var að verða vikugamalt... oj
Fór í heimsókn til ömmu og afa í gær og amma mín gaf mér alveg ótrúlega fallegan rauðan doppóttan kjól. Hún sagði mér að hún hefði keypt hann í Parísartískunni fyrir u.þ.b. 30 árum... Þar með bættist við enn ein kvikmyndastjörnuflíkin í skápinn minn... ég er heppnust.

|

miðvikudagur, mars 08, 2006

Tónleikar

Háskólakórinn heldur tónleika fimmtudaginn 9. mars klukkan 12:30 í Norræna húsinu. Á dagskránni eru ýmis þjóðlög, bæði íslensk og erlend, þeirra á meðal tvö lög eftir Atla Heimi Sveinsson við texta Odds Björnssonar og tvö íslensk þjóðlög í útsetningu Jóns Ásgeirssonar.

Háskólakórinn hefur verið starfræktur síðan 1972 og er kórinn skipaður nemendum við Háskóla Íslands. Í kórnum er mikill metnaður í flutningi verka, en þessir tónleikar eru fyrri tónleikar af tveimur sem kórinn heldur í vor, auk þess að syngja við útskriftir og ýmsar aðrar athafnir Háskóla Íslands. Síðari tónleikar kórsins eru á dagskrá í apríl og verða þeir stærri í sniðum. Þau lög sem flutt verða í Norræna húsinu verða einnig á söngprógrammi kórsins í Vaasa á Finnlandi í maí, þar sem hann mun taka þátt í alþjóðlegu kóramóti. Stjórnandi Háskólakórsins er Hákon Leifsson og eru kórmeðlimir í dag rúmlega fimmtíu talsins úr vel flestum deildum háskólans.

Kostar 500 krónur inn, 300 kall fyrir stúdenta.

|

durummdrumm jeah jeah jeah!

ok, ég verð að komast til Slóveníu!!!

ég er nú á fullu að sækja um að komast þangað, það er alveg massa prósess og fresturinn er að renna út. Ég vona bara að skólinn úti sjái einhverja ástæðu til að taka við mér...

Ég er alltaf að verða spenntari og spenntari, er búin að kíkja á leigumarkaði á netinu, myndir af borginni og var núna að lenda inn á síðu sem er með upplýsingar um tónleika sem eru haldnir í Slóveníu. Þar á meðal er the Omar Rodriguez quartet nýbúnir að spila í Ljubljana og í apríl verða the FantomasMelvins Bigband með tónleika þar - ertu ekki að fokkings grínast í mér. Mig myndi langa að sjá þessar tvær ofur grúppur saman!

Jammm, það er sko allt að gerast í Slóveníu þessa dagana.... eða svona næstum því

|

mánudagur, mars 06, 2006

kaffi og eithvað - örsaga

Már hellti rjúkandi kaffinu ofan í fallega blómaskreytta bollann með titrandi hendi. Hann lagði frá sér litlu silfurlituðu mokkakönnuna á hitaplattan og bar kaffibollan að munni sér. Ilmurinn af tinnusvörtu kaffinu liðaðist inn um vit hans. Már dróg djúpt að sér andann og fann hvernig lyktinn sendi orkustrauma um allann líkamann. Morguninn tók a móti honum í gegnum um gluggann. Hann tók fram tóbakið sitt og hóf að vefja sér sígarettu. Margra ára reynsla hafði kennt honum að vefja næstum þráðbeinar rettur á örskots tíma. Hann tiplaði filtersendanum létt á eldhúsborðið til að þétta hana, klemmdi hana fasta á milli varanna svo hún stóð beint út úr munninum á honum. Hann kveikti í henni og andaði reyknum niður í lungu. Hann lokaði augunum og leyfði unaðshrollinum að fara um líkama sinn. Honum fannst eins og tilveran stöðvaðist, í eitt andartak var allt gott. Hann opnaði grænbrún augun og horfði fram fyrir sig á málverkið á borðstofuveggnum. Þunginn kom svífandi aftan að honum og kramdi niður allan létti. Andardrátturinn varð hraðari og svitaperlur spruttu af enninu. Hann fann hvernig maginn herpist saman og sásaukinn vitjaði hans á ný. Óbragðið af sígarettunni varð eftir í munninum á honum. Honum var óglatt. Hvað hafði hann gert? Hann vissi að ekkert gæti látið atburði næturinnar hverfa. Hann reyndi að koma ró á hugsanir sínar en þær þutu áfram eins og taugafrumur með áríðandi skilaboð. Hvað átti hann að gera? Hvernig myndu fjölskyldan hans taka þessu? Það gæti enginn skilið afhverju hann gerði þetta, alveg sama hvernig hann reyndi að útskýra það. Hann gæti látið sem ekkert væri, látið hana hverfa svo hún finndist aldrei aftur. Gæti hann það? Gæti hann verið svo kaldur? Gegn vilja sínum leit hann snöggvast yfir ganginn og á átt að baðherberginu. Óeðlilega rauð birta tók á móti honum.

|

sunnudagur, mars 05, 2006

Reykapíkuró

Garðurinn, hann er byggða bestur!

ég ákvað seint í gærkveldi að skella mér bara heim, það var gott. Það er alltaf gott að koma heim í Garðinn, borða mömmumat (sem að þessu sinni reyndist vera Kentucky Fried Chicken - ekki alveg uppáhaldið, en samt sem áður...) og chilla. Þar hef ég líka kost á þeim lúxus að sofna yfir imbanum, eitthvað sem ég get ekki gert í Reykjavíkurholunni sökum sjónvarpsleysis. Ég gerði það s.s. í nótt: dró fram sængina og lagðist upp í sófa, kisa lagðist ofan á mig og við kúrðum saman yfir svarthvítri bíómynd, saddar og sælar.

Dagurinn í dag fór svo í að chilla, hann átti nú að vera aðeins umfangsmeiri en það. Ég hafði ætlað mér að fara í heimsóknir, jafnvel á kaffihús eða bókasafnið og í SSV. En ég var bara heima, lá á misjöfnum stöðum í húsinu og borðaði mishollan mat, á misjöfnum stöðum í húsinu - aftur eitthvað sem ég get ekki alveg gert heima hjá mér. Það er í raun bara einn staður í Reykjavíkurholunni, ef frá er talið baðherbergið og ekki vil ég borða þar.

Svo fór ég í göngutúr og áttaði mig á því hvað ég er búin að sakna þess að labba út á Skaga, alltaf svo fallegt. Mér líður alltaf svo ótrúlega vel við það að labba hér meðfram fjörunni, ég held að þetta sé uppáhaldsstaðurinn minn í öllum heiminum! Svei mér þá.... ég hlakka til sumarsins, ég er orðin þreytt á núverandi tilvist, mig langar í eitthvað bjart og fallegt og nýtt og gamalt, allt í senn. Eittvað sem er yfirfullt af fallegum hljómum og samverustundum með ástvinum og fjölskyldu. Mig langar heim.

Eitthvað segir mér samt að eftir ca vikudvöl í Garðinum eigi ég eftir að þrá af öllum lífs- og sálarkröftum að komast aftur til stórborgarinnar - í næðið og sjálfskoðunina sem þar á sér stað.

|

miðvikudagur, mars 01, 2006

jóhó jú ho´!

Liðin er alveg hreint yndisleg helgi:

Dolce&Gabbana kvöld - ég svala og rósa maría í okkar fínasta pússi að drekka kokteila og borða fínerí heima hjá mér. Fórum svo niður í bæ og djömmuðum all svakalega.
Á laugarskvöldið fórum við svo á Ælu tónleika. Þeir voru frabærir, góð stemmning og skemmtilegir tónar. Síðan var tekinn upp þráðurinn frá kvöldinu áður og skellt sér á pöbbana.

Ég er orðin sannfærð um að bar 11 er besti staðurinn í Reykjavíkinni. Það var svo gaman að tjútta þar. Kaffibarinn var ekki alveg að meika það, Hairdoctorinn var að dj-ast á föstudagskvöldið, djís! Maðurinn er að missa sig í e-u egóflippi. Greyið strákurinn var í því að blikka sjálfan sig í speglinum meðan hann þeytti miður skemmtilegum skífum. Maður verður samt að gefa honum kredit, það er ákveðinn árangur að ná að vera frægur fyrir það eitt að vera hárgreiðslumaður. En allt í allt var þetta frábært! Við hittum helling af skemmtilegu fólki, tjúttuðum, kjöftuðum og drukkum. Grerist ekki betra. Þetta verður sko endurtekið á næstunni!

Helginni lauk svo með heljarinnar afmælisveislu fyrir Kristófer Árna, litla frænda, heima hjá mömmu og pabba. Gott að fá gott að borða í þynnkunni.

Ég var að fá e-mail frá hákólanum í Ljubliana með upplysingar um alla kúrsana sem eru í boði á næsta skólaári. Ég fékk alveg í magann af spenningi! Ég vona að ég komist þarna inn...

Þarf að fara að svara könnunum fyrir aferðafræði. Ég átti að gera það í gær en gleymdi því -úps!

|